Syritta pipiens (Linnaeus, 1758)

Suborde Brachycera/ Cyclorrhapha/ Syrphidae/ Eristalinae/ Syritta spec.

Lugares húmidos: pantano, brañas e ó longo da marxe de case calquera masa de auga doce, incluíndo lagos, lagoas, gabias, canles, regatos e ríos; na maioría dos tipos de terras de cultivo, xardíns suburbanos e parques urbanos.

Voa baixo, raramente a máis de 1 m do chan; aséntase na vexetación; os machos patrullan masas de plantas de baixo crecemento.

Visitan umbelíferas brancas; Achillea, Allium, Aster, Calluna, Cardamine, Cirsium palustre, Convolvulus, Crataegus, Epilobium, Euphorbia, Galium, Jasione montana, Leontodon, Potentilla erecta, Ranunculus, Rosa canina, Senecia jacobaea. 

Voa entre marzo e novembro, no sur de Europa probablemente durante todo o ano.