Liocranum cf rupicola (Walckenaer, 1830)
Información da fotografía
Lugar: Guitiriz
Data: 07 xullo 2023
Autor: Xosé Otero
O xénero Liocranum L. Koch, 1866 conta con 4 especies na Península. Por distribución cabería descartar Liocranum inornatum (L. Koch, 1882) por ser un endemismo balear e L. apertum Denis, 1960 con rexistros unicamente no Pirineo francés(1) e na Serra de Guadarrama(2). De L. majus Simon, 1878 hai citas próximas (Zamora e norte de Portugal) e por último Liocranum rupicola (Walckenaer, 1830) é a única que conta con rexistros aceptados en Galiza (SEA/GIA e GBIF).
Se facemos caso das descricións na web Araneae. Spiders of Europe(3) na que L. majus ten o “prosoma sen liña marxinal”, quedaríamos definitivamente con Liocranum rupicola da que a descrición na mesma web sí propón “Prosoma apardazado, cun padrón radial escuro, bandas laterais de cor marrón grisácea escuro, marxe negra” (semella verse claramente nas fotografías).
Arañas de tamaño medio, L. rupicola varía entre 4,9 e 6,5 mm dos machos e 5,5 e 8,5 mm das femias.