Fallenia fasciata (Fabricius, 1805)
Phylum Arthropoda/ Subphylum Hexapoda/ Clase Insecta/ Orde Diptera/ Suborde Brachycera/ Familia Nemestrinidae/ Subfamilia Trichopsideinae/ Genus Fallenia
Fotografías feitas en A Gudiña, en zona de monte baixo, o día 31/05/2025.
Mosca grande que en principio pensei que sería Anthophora (himenóptero) e despois nun bombílido (díptero). Nin unha cousa nin outra.
Son dípteros parasitoides de Caelifera (saltóns). As larvas devorano, sen matalo, ata que lles chega a hora de pupar. Na Galiza disque está citada en Vilar de Santos (non atopei o lugar de publicación, tal vez o facebook) (so mirei en internet) e non aparece no mapa de distribución de GBIF aínda que si amplamente distribuído pola península ibérica.