Saitis barbipes (Simon, 1868)

Información da fotografía

Lugar: Guitiriz

Data: 25 agosto 2023

Autor: Xosé Otero

De distribución basicamente europea, sobre todo frecuente na Europa mediterránea. Polo leste chega a Bulgaria e en expansión cara ao norte acadando Bélxica, Países Baixos, Alemaña, Dinamarca e Suecia entre outros.

Na península ibérica repartida, máis frecuente en Cataluña, cantábrico oriental, Rexión de Lisboa e Galiza. Menos frecuente na metade sur e no centro.

Falta de Ourense pero aparece con certa frecuencia nas restantes provincias.

É outra diminuta especie da familia Salticidae Blackwall, 1841 con machos de 3,8-4 mm e femias de 4,6-5,7 mm.

Realizan un espectacular ritual de cortexo e non, non se trata dunha especie exótica, vive preto de nós.