Myrmarachne formicaria (De Geer, 1778)

Información da fotografía

Lugar: Guitiriz

Data: 30 novembro 2025

Autor: Xosé Otero

Especie holártica con presenza en case toda Europa, no leste de Asia e introducida no leste de América do norte.

Na península ibérica a súa distribución debuxa case xeograficamente o seu contorno faltando de case todo o interior agás de xeito illado no val do Ebro e Serras de Cazorla e Grazalema. Presente en Baleares.

En Galiza rexistros moi escasos e illados de A Coruña e Pontevedra e este que podería ser o primeiro para Lugo.

Especie mimética con formigas dos xéneros Myrmica e Formica, que se coñeza (ver p. ex. en “Araña do ano 2019” da ESA), das que imita non só caracteres morfolóxicos senón mesmo condutas e movementos. Contrariamente ao que de entrada se podería pensar non é un xeito de sacar proveito para depredar sobre elas, mais ben a vantaxe que obteñen é que moitos dos depredadores de arañas o pensen un pouco mellor antes de atacalas, as formigas, pola súa agresividade, quedan fóra da dieta de moitos cazadores (aves, avespas e outros).

O macho, cun tamaño corporal de 5-5,8 mm ten uns quelíceros desproporcionadamente grandes e en horizontal, estendidos cara adiante. A femia (fotos) mide 5,5-6,1 mm.

Único representante do xénero na Península.