Agelena labyrinthica (Clerck, 1757)

Información da fotografía

Lugar: Guitiriz

Data: 17 xullo 2024

 

Lugar: Guitiriz

Data: 24 maio 2025

Autor: Xosé Otero

 

Única especie deste xénero presente en Galicia. De tamaño grande, no macho a lonxitude corporal vai de 8-14 mm e algo maior na femia con 10-16 mm. Ten un característico deseño en forma de raspa de sardiña na parte dorsal do opistosoma e dúas fieiras prominentes no extremo posterior deste.

Arañeira doadamente detectable, xeralmente moi visible, horizontal, grande e moi mesta rematando nun embude onde a araña agarda a que caia a súa presa.

Especie paleártica, chega polo leste até o Xapón. Presente na P. I. onde as observacións rarean en amplas zonas do interior (Mesetas Norte e Sur ou parte alta da Depresión do Ebro, p. ex.).

En Galicia presente en tódalas provincias inda que con rexistros posiblemente máis escasos do que sería a súa distribución real.