Hogna radiata (Latreille, 1817)

Información da fotografía

Lugar: Guitiriz

Data: 25 xullo 2025

Data: 3 agosto 2024

Autor: Xosé Otero

 

Lugar: A Gudiña

Data: 25 xullo 2014

Lugar: Rubiá

Data: 22 xuño 2013

Autor: Xosé Bergantiños

Da familia Lycosidae Sundevall, 1833, é unha das especies de araña de "bo tamaño" que podemos atopar en Galicia. A pesar de gustar, segundo a bibliografía, de zonas secas e cálidas, non é difícil atopala en entornos algo máis húmidos e frescos nin é rara tampouco en lugares humanizados, máis ben do rural.

Cunha lonxitude corporal dos machos de 9-18 mm e das femias de 12,5-25 mm, cando observamos unha femia grande a impresión, sumándolle a lonxitude desas patas grandes e robustas, é de ter diante un animal cun tamaño imponente.

Presente en Galicia nas 4 provincias, dende o nivel do mar até os máis de 1000-1100 metros de altitude na Gudiña ou nas montañas orientais de Lugo.

Tamén na Península aparece cunha ampla distribución e conta con rexistros de Canarias e illas Baleares.

Esténdese pola Europa meridional e acada áreas de Oriente medio e norte de África.

Cazadora activa, lanza ataques moi rápidos sobre as súas presas, ás que pode incluso perseguir ás carreiras.

Malia o seu tamaño, robustez e velocidade é unha araña nada agresiva, máis ben todo o contrario, e non está entre as de importancia clínica, é dicir, é inofensiva para o ser humano, como a inmensa maioría dos arácnidos europeos e practicamente todos os galegos.